Me siguri të gjithëve ju kujtohet Luar Arani, vajza me zërin e ëmbël e cila na bëri për vete në këngën e famshme të Flori Mumajesit, “Gjithmonë”.
Me të drejtë mund të jeni bërë kuriozë të dini ç’ka ndodhur me të për kaq shumë kohë dhe a është tërhequr nga muzika?
Në fakt, përgjigjia është jo! Ajo nuk ka hequr dorë.
Luar, e cila tashmë jeton në Berlin të Gjermanisë, i është kthyer sërish muzikës.
Ajo është marrë nën menaxhimin e një kompanie gjermane të muzikës dhe vetëm pak orë më parë ka publikuar këngën e saj më të re, të titulluar “Jetë”.
Luari ka eksperimentuar me ritmet latine në këngën e saj të re, që është një rrymë muzikore e ndryshme nga sa jemi mësuar të dëgjojmë dhe jemi të bindur se nuk do të donit ta humbnit.
https://www.youtube.com/watch?v=nFAD7j6T4JE&feature=youtu.be
Kënga ishte parashikuar të dilte që në mars por u shty për shkak të koronavirusit.
Luari u bë e njohur me bashkëpunimin me Flori Mumajesin “Gjithmonë”, por kjo nuk është kënga e saj e vetme në gjithë karrierën muzikore.
Në Maj 2008, Luar mori pjesë në Top Fest 5 me këngën “Film Premiere”.
Më datë 19 Korrik 2012, Luar publikoi videoklipin “Remember”.
Pas një mungese relativisht të gjatë në tregun muzikor, Luar vendos t’i rikthehet sërish muzikës dhe në verën e vitit 2017, merr rrugën drejt Kosovës për të realizuar projektin e rikthimit të saj.
Më datë 17 Tetor 2017, Luar publikon videoklipin “Si Dje”. Muzika e këngës u punua nga Cricket, ndërsa teksti u shkrua nga vetë Luar.
Më datë 14 Gusht 2018, Luar publikon videoklipin “Mykonos”.
Më datë 1 Nëntor 2019, Blleki, Mc Kresha & Luar publikojnë videoklipin “Thug Life”. Muzika e këngës u punua nga K-Master, ndërsa teksti u shkrua nga Mc Kresha, Blleki & Luar. Videoklipi u prodhua nga kompania Pinkmoon Creative.
