Përshëndetje grupi “Na mblodhi karantina!”
Nuk e dimë sesi po e kaloni këtë periudhë izolimi, sa po përpiqeni të mbani trupin në formë, sa rekorde filmash në ditë po thyeni, por një gjë e dimë të sigurt! Të gjithë e shtyjmë kohën në Instagram.
Gjatë kësaj periudhe izolimi kur të gjithë po kërkojmë mënyra nga më të ndryshmet për të kaluar mërzitjen, ka disa personazhe shqiptare në Instagram, që po argëtojnë në mënyrën e tyre ndjekësit e tyre me këngë, intervista, batuta, video gatimi apo stërvitjeje.
Ne kemi zgjedhur sot personazhet më argëtuese të Instagramit, që me siguri do t’i ndiqni pasi t’i njihni:
Alex Seitaj dhe grindjet e tij me mamin në shtëpi gjatë karantinës, dhurojnë pa fund të qeshura, me batutat që na kujtojnë prindërit tanë!
Xhemi Shehu është frymëzimi më i madh që na duhej për të mbajtur trupin në formë. Videot me stërvitje nën monitorimin e profesionistit Edmond Stafa, nuk duhen humbur!
Adhuruesit e gatimeve speciale e dinë që Arbana Osmani ka recetat më fantastike për të na treguar, sa herë që stomaku ynë kërkon diçka, gjë që gjatë karantinës po na ndodh shpesh!
Aktorin Gent Hazizi dhe bisedat e tij live me aktorët apo personazhe të njohur të ekranit që sjell thuajse çdo natë, mezi i presim darkave në orën 20:00.
https://www.instagram.com/p/B_qXq3yHtyT/
Marsela Çibukaj dhe Vitmar Basha janë bërë bashkë për të na mbushur zemrat me muzikën dhe zërin e tyre të adhurueshëm në videot live.
Bes Mustafaj, i njohur ndryshe edhe si Bes Mbase për ndjekësit e miqtë e tij, përpos punës si skenarist në filmat e Ermal Mamaqit dhe baterist i grupit Death/Black Metal Aten, bën PodCast-e dhe postime të papara në Instagram që lidhen me aktualitetin shqiptar, por që kalojnë nën filtrat e humorit!
Gjelbërimi i mamit dhe i babit, Anisa Kushta na argëton pa fund me thëniet e ditës! Nëse ndiheni keq emocionalisht ju këshillojmë të kaloni nga profili i saj për një quote, që do t’ju shkrijë gazit!
https://www.instagram.com/p/B_g5V6pgqEM/
Për adhuruesit e leximit, Arlinda Dudaj ka sugjerimet më të mira në këtë periudhë izolimi.
/Iconstyle.al
