Mirëprisni aksesorin më në trend dhe më komod që do të bëjë namin këtë sezon.
E kemi fjalën për syzet, por jo ato dosido.
“Iconstyle.al” vuri re se fashionistat shqiptare po rikthejnë në modë syzet që mbahen me zinxhir.
Lori Hoxha do t’i quante ndryshe “syzet e gjyshes” për vetë efektin që të jep zinxhiri i tyre, që i bën më të sigurta këto syze ashtu siç i mbanin gjyshet tona për të mos i humbur nga qafa.
Dikur këta zinxhirë personifikonin të moshuarit dhe personat jashtëzakonisht të pakujdesshëm.
Ndërkohë sot, të vendosura në një fytyrë të freskët dhe të kuruar, zinxhirët e syzeve janë plotësisht të mirëpritur në botën e modës.
Përveç funksionit të sigurisë ky zinxhir ka dhe një funksion estetik që i bën syzet më me stil dhe unike.
Nga ato “aviator” te ato “eye cat”, forma e xhamit nuk ka rëndësi dhe mund të zgjidhet në bazë të formës së fytyrës.
Ai që bie në sy është zinxhiri që varet në qafë dhe ka funksionin e aksesorit shtesë që mund të zëvendësojë mjaft mirë varësen apo vathët.
Ne po ju sjellim sot disa nga fashionistat shqiptare dhe të huaja, që na fiksuan me këtë aksesor, para se ky trend të nisë të përhapet dhe përflitet gjerësisht:
Lori Hoxha
Jonida Maliqi
Armina Mevlani
Marina Vjollca
