Kida do të vijë shumë shpejt në një bashkëpunim me reperin gjerman, Samra. Dyshja e zbuluan këtë projekt të përbashkët javë më parë, teksa zbuluan se kishin shkuar për xhirime bashkë në të njëjtin vend, në Dubai.
Së fundmi, Kida ka zbuluar pak nga kjo këngë e re, që duket se do të jetë mjaft ritmike. Ajo ka publikuar në Instagram një video duke kërcyer nën ritmet e këngës, që mesa duket do të mbajë titullin “Lila”.
“Lila 21”, ka shkruar Kida përkrah videos së saj dhe ka etiketuar në postim reperin gjerman.
View this post on Instagram
Gjithashtu dy artistë kanë ndarë në Instagram një pjesë të shkurtër nga videoklipi. Kida shfaqet shumë seksi me flokët e lyer në ngjyrë çokollatë, teksa hipën në një makinë luksoze. Ndërkohë ende nuk dihet se kur mund të publikohet ky projekt, sepse këngëtarët nuk kanë dhënë akoma një datë lançimi.
Kjo verë duket se do të jetë mjaft e suksesshme për Kidën, sepse përveç bashkëpunimit me Samra-n, pritet që ajo të publikojë dhe një tjetër duet. Para pak ditësh “Prive” raportoi se Kida ka bashkuar forcat për një projekt muzikor me mikun e saj, Ledri Vula. Kënga e dyshes do të publikohet gjatë muajve të verës dhe pritet të bëjë namin kudo.
