Sikundër dihet tashmë, këngëtarja Rezarta Shkurta prej vitesh është martuar me Ermal Hoxhën, nipi i ish-diktatorit Enver Hoxha.
Në rrjetet e saj sociale Rezarta ndan herë pas here me ndjekësit dashurinë dhe vlerësimin për familjen e bashkëshortit.
Gjithmonë në mbështetje të familjes së Ermalit, këngëtarja është përballur shpesh me kritika, e megjithatë, nuk i ka ndalur postimet apo dedikimet e herëpashershme për ta.
Kështu ka bërë edhe së fundmi.
Ajo ka postuar në Instastory një letër të një burri, i cili i thur lavde dhe kërkon të kthehet koha e diktaturës.
Personi në fjalë shkruan se dikur ndjente urrejtje për ish-diktatorin, por sot diçka i ka ndryshuar drastikisht mendim dhe i kërkon falje për ndjenjat e dikurshme.
Këngëtarja na ka lënë të kuptohet se është e të njëjtit mendim si ai, teksa ka shkruar edhe “kaq kisha”.
Kujtojmë se Ermali doli nga burgu rreth dy vite më parë nga katër vite që kishte qëndruar si i dënuar.
Çifti simpatik nuk i ka kursyer daljet publike dhe fotot në rrjetet sociale, që pas daljes së Hoxhës.
