Reperi amerikan Juice Wrld është ndarë nga jeta në moshën 21-vjeçare.
Vdekja e muzikantit, e raportuar për herë të parë nga portali TMZ, është konfirmuar nga autoritetet mjekësore në Illinois.
Zyra e Ekzaminuesit Mjekësor të Qarkut tha se ai vdiq të dielën dhe shkaku i vdekjes nuk dihet ende.
Reperi, emri i vërtetë i të cilit është Jarad Anthony Higgins, ishte më i njohur për hitin e tij viral në vitin 2018 “Lucid Dreams”.
Higgins, sipas TMZ, pati fillimisht një problem me shëndetin në aeroportin e Chicagos Midway, të dielën në mëngjes.
Policia tha për BBC se 21-vjeçari pati një urgjencë mjekësore rreth orës 02:00 me kohën lokale dhe u dërgua në spital, ku u shpall i vdekur.
Policia ka nisur një hetim për vdekjen e papritur të tij.
/BBC
