Mustafa Nano disa javë më parë në një analizë në emisionin e tij “Provokacja” e quajti veshjen e Ilda Bejlerit dhe Bora Zemanit vulgare dhe të padenjë për ekranin televiziv. Pikërisht komentet rreth dy vajzave ngjallën shumë reagime në publik. Ndërsa Bora i kaloi në heshtje këto komente, Ilda shfrytëzoi çdo rast për të reaguar.
Pasditen e djeshme Ilda Bejleri i rezervoi Mustafa Nanos një status në “Instagram”, të cilin ajo e quante të vonuar për shkak të angazhimeve. Moderatorja e ironizoi Nanon me një polic minifundi dhe dekolteje që duhet ta dërgojmë edhe në Itali për të bërë të njëjtën analizë.
“Ndjesë që nuk kam reaguar më parë, por kam qenë e impenjuar në një projekt shumë domethënës për shqiptarët. ‘Rikthimi i Dallëndysheve’, që kishte për qëllim rikthimin e talenteve që na bëjnë krenarë jashtë Shqipërisë dhe nuk doja të njollosja këtë super event me “llumin” e opinionistëve që na rrethojnë. Ndoshta kjo është një nga arsyet që ‘dallëndyshet’ kanë vendosur të shtegtojnë larg, sepse vlerat në këtë vend nuk përfillen dhe të eturit për vëmendje bëjnë gjithçka për të dalë në sipërfaqe, madje duke shkelur dhe mbi identitetin e kujtdo, për më tepër duke dalë dhe kundër një ish-studenteje që është diplomuar për gazetari.
Mendoj që ‘policin’ e minifundit dhe dekoltesë ta dërgojmë dhe në Itali, se mbase aty gjen paqe. Tani që po qëndroj në dhomën time, pyes veten: Imagjino të kishte gjoks vetë ky polici? Çfarë do ishte vallë? Dhe çfarë do bënte për 5 min ‘famë’
Emisionin ia mbani mend, besoj! Në çfarë ore dhe ku transmetohet..:))”, ishte statusi i mbushur me ironi i Ilda Bejlerit.
