Jennifer Lopez gjithmonë është treguar tepër e rezervuar për sa i përket jetës së saj private. Por së fundmi, si rrallë herë ajo ka treguar se si pësoi sulme të rënda paniku nga rraskapitja, të cilat e lanë trupin e saj të “paralizuar fizikisht”.
Këngëtarja publikoi albumin e saj debutues, “On the 6”, në vitin 1999, foli për eksperiencën e saj duke shpjeguar se si bënte vetëm tre deri në pesë orë gjumë në ditë kur karriera ishte në kulmin e saj.
Jennifer shpejt e kuptoi se stresi i karrierës së saj në muzikë dhe aktrim po ndikonte ngadalë në shëndetin e saj.
“Kishte një kohë në jetën time ku flija 3 deri në 5 orë në natë. Isha në xhirime gjatë gjithë ditës dhe në studio gjatë gjithë natës dhe do të bëja xhiron dhe xhirime video gjatë fundjavave”, ka shkruar ajo. “Isha në fund të të 20-ave dhe mendoja se isha e pa-thyeshme”.
Lopez tregon se si shëndeti i saj vazhdoi të përkeqësohej dhe për më tepër detajoi se si shikimi i saj u ndikua papritur, por ajo e dinte se trupi i saj ishte thjesht i mbingarkuar dhe i rraskapitur. Simptomat fizike që erdhën bashkë me frikën e lanë atë të ndihej në ankth “dhe frika u komplikua” për ta përkeqësuar situatën, deri në pikën ku ajo duhej të gjente një ekuilibër midis punës së saj dhe kujdesit për veten.
“Roja ime e sigurisë hyri dhe më mori dhe më çoi te mjeku. Në kohën kur arrita atje, të paktën mund të flisja përsëri dhe isha aq e tmerruar sa mendova se po humbisja mendjen, “tha ajo. “E pyeta doktorin nëse po çmendesha. Ai tha: ‘Jo, nuk je e çmendur. Keni nevojë për gjumë… flini 7 deri në 9 orë në natë, mos pini kafeinë dhe sigurohuni që t’i kryeni stërvitjet tuaja nëse do të bëni kaq shumë punë.’
