iOS 17.4 është aktualisht në testim beta dhe pritet të dalë për të gjithë përdoruesit e iPhone këtë javë. Ai vjen me një sërë ndryshimesh të mëdha në App Store dhe rrjetin e iPhone në Bashkimin Evropian. Ka emoji të reja, një përmirësim në CarPlay, përmirësime të Siri-t dhe shumë më tepër.
Më poshtë kemi përmbledhur gjithçka të re në iOS 17.4, pavarësisht nëse jetoni në BE ose diku tjetër.
Kur do të dalë Apple iOS 17.4?
iOS 17.4 është do të aksesohet në javën e parë të marsit. Zakonisht, Apple nuk na jep asnjë sugjerim se kur vjen një version i ri i iOS, por gjërat janë pak më ndryshe këtë herë. Kjo për shkak se iOS 17.4 përfshin ndryshimet e nevojshme në iPhone dhe App Store të kërkuara nga Akti i Tregjeve Dixhitale në Bashkimin Evropian.
Afati i fundit i Apple për të respektuar Aktin e Tregjeve Dixhitale është 6 Marsi. Kjo do të thotë që Apple duhet të lëshojë iOS 17.4 më 6 mars ose përpara.
Karakteristikat e reja në iOS 17.4
Një nga ndryshimet më të mëdha të përfshira në iOS 17.4 është mbështetja për tregjet alternative të aplikacioneve për herë të parë. Me këtë përditësim, kompani të tilla si Epic Games, do të jenë në gjendje të krijojnë tregjet e tyre të aplikacioneve për përdoruesit e iPhone.
Më shumë ndryshime në Bashkimin Evropian:
Një mesazh i ri pop-up në Safari që do t’u kërkojë përdoruesve të zgjedhin një shfletues të paracaktuar
Mënyrat alternative pagese për blerjet brenda aplikacionit
Përmirësim i mbrojtjes së pajisjes së vjedhur
iOS 17.4 përfshin një ndryshim për mbrojtjen e pajisjes së vjedhur. Tani, përdoruesit mund të zgjedhin që gjithmonë të kërkojnë një vonesë sigurie kur ndryshojnë cilësimet e sigurisë. Më parë, opsioni i vetëm ishte vendosja e vonesës kur largohesh nga vende të njohura.
