Këngëtari i njohur Alban Ramosaj, ka ndarë me ndjekësit një lajm shumë të rëndësishëm, por i ka lënë të gjithë të dyshojnë mbi vërtetësinë e tij.
Albani ka shpërndarë në rrjetin e tij social “Instagram”, një foto ku anash saj njofton se do të jetë pjesë e serialit që përmban ngjarjet para “Game Of Thrones”, “House of the Dragon”.
“Jam i emocionuar t’ju njoftoj se jam zyrtarisht pjesë e kastit për të luajtur në serialin që përmban ngjarjet para #GameOfThrones, #HouseOfTheDragon #FIREWILLREIGN #BehindTheScenes”- shkruan këngëtari.
View this post on Instagram
Duke qenë se këngëtari i ka shfaqur edhe më parë aftësitë e tij në aktrim, duke marrë pjesë edhe në një serial shqiptar, ka vendosur të gjejë një ‘gënjeshtër’ të besueshme sot, në ditën e 1 Prillit. Të shumta janë komentet që i shkruajnë se nuk bien pre e rrengut të tij, por të tjerë ende mbeten të dyzuar.
Kujtojmë se “House of the Dragon” – i vendosur rreth 200 vjet përpara ngjarjeve të “Game of Thrones” – do të shfaqet këtë verë.
Pas shumë muajsh ‘ngacmimesh’ me klipe dhe foto nga seriali – duke ‘çmendur’ kështu fansat e zjarrtë – është njoftuar se projekti filmik do ta ketë premierën më 21 gusht.
