Muaji i ndërgjegjësimit kundër kancerit të gjirit: 6 yje të Hollywood ndajnë përvojat e tyre

Tetori është muaji rozë, kushtuar parandalimit të kancerit të gjirit. Sëmundjet e kancerit janë bërë si epidemi. Në Shqipëri 5 mijë raste të reja diagnostikohen çdo vit me këtë sëmundje, ku vetëm nga kanceri i gjirit preken 700 gra. Mjekët thonë se vitet e fundit është rritur sëmundshmëria, ndërsa pandemia ndikoi negativisht për diagnostikimin e hershëm.

Nga kjo sëmundje vuajnë gra të të gjitha moshave, përfshirë yjet e famshëm. Aktore, këngëtare dhe të famshme të të gjitha llojeve, edhe në botën e Hollivudit ka gra që janë përballur me kancerin e gjirit.

Përvojat e tyre, nga diagnoza në shërim, janë të gjitha shumë të ndryshme, por këto të famshme  kanë diçka të përbashkët. Ato kanë vendosur të përdorin famën dhe ndikimin e tyre për të treguar historinë e tyre, me shpresën për të edukuar, frymëzuar dhe ndihmuar të tjerët.

Kathy Bates u diagnostikua për herë të parë me kancer të vezoreve në 2003 dhe më pas në 2012.

Pas diagnozës së dytë, aktorja dhe regjisorja amerikane vendosi t’i nënshtrohet një mastektomie të dyfishtë, për shkak të historisë së saj familjare me sëmundjen: “Halla ime vdiq nga kjo, nëna ime kishte kancer dhe mbesa ime gjithashtu.”

Kathy Bates rezultoi negative për mutacionin e gjenit BRCA1 dhe BRCA2 i cili rrit rrezikun e kancerit të gjirit dhe vezoreve te gratë; por sipas fjalëve të saj “Një rezultat negativ i BRCA nuk është një kartë për të dalë nga burgu”.

Në Sex and the City, ishte Samantha ajo që vuante nga kjo sëmundje, megjithatë pasi përfundoi seriali, ishte Miranda ajo që u diagnostikua në jetën reale në moshën dyzet vjeç.

Cynthia Nixon zbuloi luftën e saj të fshehtë kundër sëmundjes gjatë një interviste ekskluzive me Good Morning America.

Pas njoftimit të saj, aktorja u bë një ambasadore për Susan G. Komen për Cure, një fondacion për parandalimin e kancerit të gjirit.

Disa vjet më parë, Anastacia kishte pozuar nudo në një set fotografik, që zbuloi plagët në trupin e saj për shkak të trajtimit dhe operacionit të kancerit të gjirit.

Këngëtarja 53-vjeçare luftoi me diagnozën për herë të dytë në 2013 dhe iu nënshtrua një mastektomie të dyfishtë dhe operacionit të mëvonshëm rindërtues.

Sandy e ëmbël nga Grease vuajti shumë nga diagnoza e saj e kancerit. Pas diagnozës së tij të parë në 1992, në moshën 44-vjeçare, kanceri u rikthye edhe dy herë të tjera.

Në vitin 2017, aktorja dhe këngëtarja tregoi se tumori kishte avancuar dhe kishte prekur edhe shtyllën kurrizore.

Lufta e saj e vazhdueshme kundër sëmundjes frymëzoi Olivia Newton-John për të folur dhe rrëfyer përvojën e saj përmes albumit të saj Gaia, One Woman’s Journey.

Aktorja dhe aktivistja britanike, Jane Fonda, foli për betejat e saj të shumta kundër kancerit në British Vogue në vitin 2019.

“Unë jam diagnostikuar me kancer disa herë”, tha aktorja, para se të shpjegonte se ajo kishte kancer të gjirit në 2010 dhe një rritje kanceroze në buzën e poshtme.

Në intervistë, Jane Fonda zbuloi gjithashtu se ajo iu nënshtrua një mastektomie pak para Golden Globes 2016, ku u vlerësua si aktorja më e mirë joprotagoniste për rolin e saj në Youth.

Këngëtarja Kylie Minogue shtyu turneun e  saj të Showgirl 2005 për t’iu nënshtruar trajtimit të menjëhershëm të kancerit të gjirit.

Në vitin 2008, ylli i popit diskutoi diagnozën e saj të parë (ose më mirë, mungesën e saj) në The Ellen DeGeneres Show.

“Fillimisht u diagnostikova gabimisht”,  tha ajo. “Mesazhi im për të gjithë ju është ky: vetëm sepse dikush ka veshur një pallto të bardhë dhe përdor fjalë të mëdha mjekësore nuk do të thotë domosdoshmërisht se ka të drejtë. Kjo është arsyeja pse parandalimi është themelor”.