“Kur e pashë Elian, ishte kaq e bukur…në atë moment mu mor fryma!”. Kjo ishte deklarata e Princit Leka, pak ditë pas dasmës me Elia Zaharian.
Në një intervistë për emisionin “Rudina”, Princi rrëfeu se nuk i kishte parë fustanet e nusërisë së Elias, ndërsa foli me emocion për momentin kur e pa për herë të parë.
Në krah të tij në këtë intervistë ishte edhe Elia, e cila qeshi dhe uli kokën teksa e dëgjonte bashkëshortin të shprehë kaq shumë admirim për të.
Për ta përforcuar edhe më shumë, princi Leka u kthye nga Elia dhe i përsëriti: “Ishe bërë shumë e bukur!”, çka e bëri Elian të qeshë akoma më shumë.
Fustanet e Elias ishin të stiluar nga stilistja kosovare, Blerina Kllokoqi Rugova. I pari ishte një fustan i stolisur me gurë dhe më një bisht të gjatë ndërsa i dyti, një fustan të punuar i tëri në dantellë.
