Armina Mevlani ka qenë një ndër shqiptaret që ka shkëlqyer në tapetin e kuq të Festivalit të Kanës.
Së fundmi përmes një statusi të publikuar në Facebook, Armina na ka treguar të gjithëve se një ëndërr e saj është bërë realitet dhe ajo duket se është ekzaltuar pa masë lidhur me këtë fakt:
“Në moshën 19-vjeçare kur mora shpërblimin e parë në punë gjëja e parë që bleva ishin një palë këpucë Vivienne Westwood, aq shumë e adhuroja. Sot në tapetin e kuq vetë Vivienne Westwood më dhuroi këtë fustan të mrekullueshëm për të parakaluar në premierën e filmit ‘Once Upon a Time in Hollywood’!”
Në vijim bukuroshja është shprehur se kur i kanë sjellë fustanin në Tiranë i janë mbushur sytë me lot pasi nuk e kishte menduar ndonjëherë që një ëndërr e tillë do t’i bëhej realitet.
