Një rast të ri ngacmimi seksual me një minorene është sjellë sot nga Top Channel.
Rrëfimi i një fëmije, mosha 12 veçe do të sjellë para gjyqtarëve një shtetas, të arrestuar për dyshimet se ka tentuar të abuzojë seksualisht me të miturën, duke shfrytëzuar faktin që ajo ishte lënë vetëm nga e ëma në një biznes privat këtu në kryeqytet.
Vetë vajza ka thënë se nuk e njhte personin i cili pretendonte se ishte mik me të atin e saj. I dyshuari këmbëngul se kishte shkuar në biznesin e ish-shokut të tij që ka ndërruar jetë, për të porositur një pllakë varri, por pa treguar më tej se çfarë kishte ndodhur.
Ai iu afrua asaj me pretendimin se do të blinte një pllakë varri ndërsa shprehej: “Sa qenka zgjatur qenke bere e bukur!”.
Vajza u shpreh se shtetasi i njihte familjarët e saj, ndërsa tregon sesi nën ndikimin e alkoolit, ai i ishte afruar dhe kishte tentuar ta puthte.
“Më preku dhe tentoi të më puthë por në atë moment rrëmbeva një lopatë dhe u bëra ta qëlloj. Ishte hera e pare që e shikoja këtë person, por ky person që mbante herë alkool mu vu pas dhe vendosa ta qëlloja”, mësohet se është shprehur vajza minorene.
