Asgjë duket se nuk mund të dalë nga muret e rezidencës 50 milionë dollarëshe, ku qëndron drejtuesi historik i garave me makina të shpejta.
29 dhjetori do të shënojë pesë vite që nga dita kur ikona e “Formula One”, Michael Schumacher, pësoi aksidentin e rëndë ku u lëndua në kokë ndërsa bënte ski në Meribel, në Alpet franceze.
Tashmë mësohen lajme të mira nga familja e tij, përkujdesja e të cilëve duket se po shpërblehet. Pavarësisht se gruaja e tij Corinna, ka insistuar që gjendja e Schumacher të qëndrojë e fshehtë dhe asnjë prej miqve të mos flasë, bëhet me dije se ai po bën progres, pavarësisht se në mënyrë të ngadaltë.
Duket se mrekullia ka ndodhur, pasi “Sportsmail” ka mësuar se Michael Schumacher nuk qëndron më shtrirë dhe nuk është më i varur nga aparaturat.
Pavarësisht kësaj ai merr ndihmë mjekësore dhe kujdes terapeutik, të cilat i kushtojnë më shumë se 50.000 dollarë në javë.
Burimi: Daily Mail
