Në emisionin “Dua të të bëj të lumtur” u prezantua një histori tejet prekëse. Blerimi, ishte drejtuar emisionit për të falenderuar nënën që e kishte rritur, por edhe për të kërkuar nënën e tij biologjike.
Stafi i emisionit kishin ftuar në studio nënën biologjike të Blerimit, Terezën e cila rrëfeu historinë e saj. Në moshë të re, ajo kishte sjellë në jetë një fëmijë, për të cilin nuk e dinte nëse kishte mbijetuar.
Arbana zbuloi që në anën tjetër të ekranit ishte pikërisht djali i saj, Blerimi, i cili e kishte kërkuar prej vitesh. Mirëpo, Tereza refuzoi të takonte të birin, duke u larguar nga skena. Ishte moderatorja Arbana Osmani, e cila e ndoqi në prapaskenë dhe arriti ta bindte Terezën, të takonte djalin e saj.
“Më ke falur jetën dhe të falenderoj për këtë gjë. Çdo gjë që ke kaluar në jetë e paçsh hallall. Unë kam 33 vite që të kërkoj, por për gjithçka ta kam bërë hallall”- është shprehur Blerimi pasi takoi të ëmën biologjike.
Ndërsa Tereza pasi takoi familjen e Blerimit tha: “Unë nuk kam ditur asgjë, por ti qenke me të vërtetë një fëmijë i mrekullueshëm!”.
