Pas 24 orësh një vogëlushe 2 vjeçe e gjysmë është nxjerrë e gjallë nga rrënojat e tërmetit 6.8 ballësh që ra në Elazig të premten e 24 janarit.
Ekipet kaluan menjëherë në veprim pasi dëgjuan zërin e një gruaje nën rrënoja. Mediat kanë arritur të filmojnë momentin e dialogut mes ekipit dhe gruas në pritje të shpëtimit.
“Ndodhemi këtu, po vijmë. Do t‘ju shpëtojmë. Në rregull po vijmë, a më shikoni mua dhe dritën? Në rregull po vijmë. A është fëmija pranë jush? Në rregull po vijmë”, ishin fjalët e shprehura nga ekipet, të cilave gruaja u përgjigj nga nën rrënoja: “Shpejt. Nuk mund të duroj më. Për hir të Allahut na shpëtoni. E shikoj dritën. Shikoni, jam duke tundur dorën time. Ju lutem shpejtoni”, raporton agjencia e lajmeve Anadolu.
Vogëlushja e shpëtuar nga rrënojat u dërgua më pas në spital nga ekipet e emergjencës, ndërsa vazhdojnë punimet për të shpëtuar edhe nënën.
Deri më tani kanë humbur jetën 31 persona ndërsa rreth 1.503 të tjerë janë plagosur.
https://www.instagram.com/p/B7wIk36hO3q/
