Programi “Dua të të bëj të lumtur” solli në qëndër të vëmëndjes historinë e minatorëve të Bulqizës. Ishte Mersini, ai që i ishte drejtuar programit për të falenderuar kolegun e tij, Afrimin se i kishte shpëtuar jetën gjatë një shpërthimi në minierë.
Sipas tij, qetësia dhe kurajo e Afrimit, kishte shpëtuar jo vetëm ata të dy, por edhe kolegët e tjerë, duke dalë jashtë minierës pa asnjë dëmtim.
“Afrim të solla në këtë emision për të të përshëndetur për punën e palodhur që ke bërë, por më kryesorja për të të falenderuar që na shpëtove jetën duke ruajtur qetësinë e duke na dhënë kurajo”, – u shpreh Mersini.
Për publikun, ata thanë se tashmë miniera është shtëpia e tyre e dytë pasi shumicën e kohës janë nën tokë.
