Dyshja Mozzik dhe Loredana duket se nuk do të kthehet kurrë më, nëse kjo do të ishte në dorë të reperit.
Kjo pasi Mozzik tha për herë të parë në NIN, se ishte ai që e mori vendimin për t’u ndarë dhe se nuk ka ndërmend të kthehet më me ish-partneren e tij.
“Nuk jena mo. Edhe s’kthehet kurgjo mo. Ishim dikur nuk jemi mo”- tha Mozzik duke i dhënë fund kësaj teme.
Por çfarë mendon Loredana për këtë deklaratë të reperit?! Me sa duket reperes nuk i bën fare përshtypje duke marrë parasysh postimet e fundit të saj në Instagram. Ajo shfaqet duke notuar në një pishinë për qejfin e saj.
Në njërin prej postimeve Loredana feston suksesin e saj më të fundit dhe falenderon mediat për jehonën në Gjermani, ndërsa shkruan: “Faleminderit që vlerësoni muzikën time dhe jo pamjen”.
Më tej Loredana ka postuar një foto ku shfaqet një mean girl, pra një femër me brirët e djallit, të cilat duket sikur kanë lidhje me situatën në fjalë.
Herën e fundit që reperja foli për ish-in u duk se ishin ndarë në mënyrë miqësore, por me sa duket jo për Mozzik:
“Duhet të ndodhin shumë gjëra që dy njerëz të ndahen. Te ne nuk kanë ndodhur aq gjëra sa të kishim arsye për t’u ndarë. Ka qenë problemi që të dy kemi qenë shumë të stresuar. Nuk kemi pasur shumë grindje, edhe pse kemi punuar bashkë. Është një njeri që unë e respektoj shumë dhe që kam për ta respektuar gjithmonë, sepse është babai i vajzës sime. Vajza ime ngjan me Mozin. Unë vajzën time e dua shumë dhe [si rrjedhojë] edhe këtë njeri e dua shumë”, është shprehur Loredana.
