Reperi i njohur, Mozzik është kaq shumë i komentuar. Së fundmi, ai ka publikuar një foto me vajzën e tij Hana, ku duket sikur e puth në buzë.
Ne fakt, reperi herë pas here publikon foto të së bijës, duke treguar edhe dashurinë që ka për të voglën e tij, ashtu sikurse çdo prind.
Më herët, Mozzik ka publikuar këngën “Të dua” që është një dedikim për të bijën e tij.
Në këtë këngë reperi shprehte keqardhje e dhimbje për faktin që s’mund të ishte i pranishëm sa do të donte ai në jetën e Hanës, sepse prindërit e saj u ndanë shumë të rinj.
Arsyeja pse u ndanë? Më mirë s’po e tregoj se është shumë e rëndë thotë Mozzik, ndaj dyshimet nisën menjëherë. Fansat aluduan për një tradhti nga Loredana, duke qenë se Mozzik shfaqej revoltuar në rreshtat e tij.
As Loredana s’ka ndenjur duarkryq por i ka dhënë mundësi ndjekësve në Instagram ta pyesin, ndërsa i është përgjigjur disa pyetjeve pikante.
A e lejon ajo Mozzik ta takojë Hanën?
“Ai mund ta takojë dhe ta marrë Hanën sa herë ka dëshirë! S’ka qenë kurrë ndryshe. Duhet ta pyesësh si është puna”
Lidhur me tekstin prekës të këngës, ka reaguar edhe vëllai i reperit. Getinjo shkruan se ka qarë si fëmijë me këngën e Mozzik.
