Mozzik ka marrë ditën e sotme dozën e dytë të vaksinës kundër Covid-19. Këtë lajm e ka ndarë vetë ai përmes një postimi në Instastory, ku ka publikuar një moment nga vaksinimi.
“Unë u vaksinova me dozën e dytë. Vaksinohuni”, kështu ka shkruar Mozzik.
Po ashtu, më herët Mozzik ka bërë postim në InstaStory duke u bërë apel ndjekësve të tij që ta marrin vaksinën sa më shpejt.
Përsa i përket jetës së tij profesionale, reperi duket se po na surprizon me një bashkëpunim tjetër që nuk është fare i zakonshëm.
Mozzik ka publikuar dy Instastory në llogarinë e tij, teksa në njërën ka kapur ‘screenshot’ këngën ‘Shihemi n’përkujtime” pjesë e albumit ‘Kanuni i Katilit’ të reperit shumë të dashur nga publiku Unikkatil. Ndërsa në tjetrën, Mozzik ka ripostuar një fotografi të vjetër mes tij dhe Unikkatil.
Nuk dihet nëse këto postime të Mozzik janë thjesht një mbështetje dhe rikujtim i kohërave të vjetra me mikun e tij apo janë shenjat e para të paralajmërimit për një bashkëpunim.
Ndërkohë kujtojmë se, reperi i hitit ‘Madonna’ ende nuk ka dhënë asnjë koment në lidhje me thashethemet për një ndarje të mundshme mes tij dhe Loredanës. Teksa të gjithë po prisnin me padurim këngët e radhës të albumit ‘No Rich Parents’, çifti duket se nuk kanë ndërmend të jenë më të qartë me ndjekësit e tyre. Kënga e fundit e publikuar nga dyshja e artistëve është ‘Nëse don’, projekt në të cilin zbuluan se të ardhurat e albumit do të shkonin për fëmijët në nevojë.
