Më datën 1 shkurt, para vetëm pak ditësh, dyshja Mozzik dhe Loredana publikuan bashkëpunimin e tyre të dytë “Romeo&Juliet”.
Kënga e cila për vetëm 5 ditë është kthyer në hit, ka marrë mbi 7 milion klikime në YouTube.
Çifti Mozzik dhe Loredana që janë prindër të një vajze bukuroshe të quajtur Hana, duket se po e shijojnë maksimalisht suksesin e arritur.
Të dy, vazhdimisht publikojnë dhe festojnë me ndjekësit e tyre në Instagram milionat e shikimeve që kënga e tyre arrin do ditë.
Por jo vetëm kaq! Përveçse kënga e tyre po qëndron në vendet e para në Gjermani e Zvicër, ajo aktualisht po dëgjohet edhe në Amerikë.
Së fundmi, Mozzik përmes një postimi në Insta Story ka zbuluar se hiti në fjalë ka arritur të jetë në Top 10 në Amerikë.
Megjithatë suksesi i Loredanës dhe Mozzik duket se nuk ka të ndalur!
Pas këtij dueti, çifti ka njoftuar për një tjetër bashkëpunim që titullohet “Tom&Jerry”, që pritet të publikohet së shpejti.
