Luana Vjollca ishte e para që ndryshoi ngjyrën e flokëve. Nga një bionde tipike prej kukulle barbi, Luana i errësoi ngjyrën e flokëve me një nuancë çokollate. Ky ndryshim i moderatores simpatike u pëlqye shumë nga fansat, të cilët e komplimentuan në rrjetet sociale.
Por Luana nuk është e vetmja e familjes Vjollca që ka bërë ndryshime në nuancën e flokëve. Me sa duket motrat Vjollca kanë marrë një vendim të përbashkët për ta filluar vitin me një look ndryshme.
Motra e tyre e madhe Lira, e cila është bërë e famshme nga postimet e vazhdueshme që bën Luana me Marinën në rrjetet sociale, gjithashtu ka ndryshuar ngjyrën e flokëve. Ka qëndruar në bazën e saj bionde, por ka futur disa fije të errëta, që e bëjnë të duket me një pamje tjetër nga ajo që na ishte prezantuar më parë.
Edhe Marina ka vendosur që të ndryshojë pak nuancën e flokëve. Në një foto që ka postuar dje në “Instagram” ajo shfaqet me një nuancë më të errët të flokëve. Nuk e dimë nëse është efekti i fotos apo edhe Marina është bërë pjesë e klanit të familjes për të ndryshuar ngjyrën e flokëve.
