Pavarësisht se janë vetëm në të 20-tat, ato kanë nisur që të kenë një eksperiencë mbresëlënëse në fushën e modës, të njohur botërisht.
Gigi dhe Bella Hadid treguan pikërisht atë që i ka bërë të zgjidhen nga shtëpitë më të mëdha të modës, ndërsa pozuan për revistën “Vogue” të Britanisë.
22-vjeçarja Gigi dhe 21-vjeçarja Bella dëshmuan sesa të fuqishme janë si motra, pasi pozuan nudo në një foto bardhezi.
Motrat janë “gërshetuar” në foton e guximshme, duke na dhuruar një pamje të formave të tyre për t’u patur zili.
Ndërsa Gigi shfaqet me flokët e saj bionde të lagura, Bella bën kontrastin me flokët e saj të errët, një tipar që zgjodhi ta ndryshonte, që mos të ngatërrohej me motrën e saj.
Në të njëjtin numër, motrat pozojnë të dyja të veshura me një fustan me një krah ngjyrë të florinjtë dhe makijazh natyral.
Ndërsa foli për “Vogue” gjatë fotografive, Gigi zbuloi ndjesinë e saj e të qenit si mbrojtëse e Bella-s, e cila është vetëm 18 muaj më e vogël.
“Ajo është një nga personat e vetëm për të cilën do të bëhesha agresive. Më bën kaq krenare. Do të bëja gjithçka për të”, thotë Gigi.
Gjithashtu modelja foli edhe për lidhjen me Zayn dhe gjetjen e balancave të duhur për mediat sociale:
“Postoj atë që mendoj se do të ishte normale të postoje të të dashurit tënd dhe komentet janë: “Është e ekzagjeruar, është false”. Por nëse nuk postoj, atëherë thonë: “Janë fals, nuk janë bashkë”. Përpiqem të bëj atë që më duket e vërtetë mua dhe ta bëj me integritet”.
