Vera ishte sezoni i sukseseve të njëpasnjëshme për Era Istrefin, 3 këngë të reja dhe performanca në finalen e Kampionatit Botëror të Futbollit në Rusi, krah Will Smith dhe Nicky Jam.
Por në fund të gushtit këngëtares shqiptare iu desh që t’i nënshtrohej një operacioni për heqjen e apendicitit.
Tashmë duket se ajo është rimëkëmbur plotësisht dhe është gati për të sjellë të tjera suksese.
Këngëtarja shqiptare postoi mbrëmjen e së hënës një foto ndryshe, ku tërheq vëmendjen shkëlqimi i fytyrës dhe makijazhi, por mbi të gjitha shikimi.
Një ndër personat që komentoi ishte edhe motra e Rita Orës, Elena, e cila shkroi shkurt atë që mendojmë të gjithë për Erë në këtë foto: “E bukur”.
