Dafina Zeqiri dhe motra e saj Besa nuk flasin me babain e tyre. Prej kohësh, për të mos thënë që kur ishin të vogla, motrat Zeqiri nuk ruajnë kontakte me babain.
Dafina e ka bërë të ditur këtë gjë në shumë intervista ku është pyetur në lidhje me familjen. Së fundmi motra e saj ka dhënë një tjetër deklaratë në lidhje me braktisjen që babai u ka bërë dy vajzave.
Arsyeja sipas saj që babai i tyre nuk gjendet në asnjë foto familjare, lidhet me faktin që ai ka qenë “shumë i preokupuar për të lënë shumë femra shtatzënë dhe për t’i lënë fëmijët jetimë”. Besa tregon gjithashtu se pasi Dafina u bë e famshme si këngëtare dhe ajo u bë modele, babai i tyre i kontaktoi për t’u kërkuar falje pas 21 vjetësh. Më poshtë reagimi i plotë i saj.
“Jam vajza e Melihate Zeqiri, motra ime Dafina është 10 muaj më e madhe se unë dhe unë jam lindur një muaj më herët . Ne të gjithë ndajmë të njëjtën gjë – zërin tonë dhe humorin e madh. Gabimet ndodhin shpesh në revista e portale, por ajo që ne duhet të konsiderojmë është se jemi njerëz me emocion dhe të lexosh një gjë të tillë e të marrësh email-e nga motrat e fansat dhemb shumë. Tashmë si modele ndihem e vetmuar nga do që shkoj, por kjo më bëri të qaj. Aq e ndjeshme, aq jo relevante. Nëna ime ka tri vajza dhe ajo ishte nëna jonë ashtu sikurse një baba. Nuk ka burrë tjetër në botë që tejkalon atë që ajo ka tejkaluar. Nuk ka meshkuj të vërtet më në botë, ka pak, por unë nuk kam pasur rastin ta kem për baba. Siç ju kam thënë më herët, ai kurrë nuk ka qenë në fotografi me ne sepse ai ka qenë shumë i preokupuar që të lë shumë femra shtatzënë dhe t’i lë fëmijët jetimë. Dhe derisa Dafina nuk u bë e famshme dhe unë një modele, ai nuk na ka kontaktuar. Kjo është hipokrizi që të lajmërohesh pas 21 vitesh pa kërkim falje dhe vetëm me pritshmëri. Kështu që ai nuk ekziston në jetën time, mendjen time. Pse? Sepse nuk e ushqej shpirtin tim me gjëra të këqija. Unë jam një Zeqiri. Mbiemri im i ri vjen nga martesa. Prej kur një mbiemër xhamaikan është bërë shqiptar? Nuk ka kuptim”, shkruan motra e Dafina Zeqirit.
