Vendi ynë është përfshirë nga i nxehti afrikan dhe moti sa vjen edhe bëhet më ekstrem.
Meteoalb bën me dije se kulmi i nxehtësisë do të shënohet nga e mërkura në të premten. Ndërkohë që termometri në zona të caktuara do të kalojë edhe 39 gradë celcius.
Maksimumet sipas zonave pritet të luhaten nga 31 në 36°C zonat malore (maksimumi në Kukës) dhe nga 36 – 38°C në zonat e ulëta dhe bregdetare. Në zona specifike të Shqipërisë, maksimumi do të ngjitet mbi 39°C, vlera që priten në Veriperëndim të vendit (Koplik, Zadrimë) dhe Jug (Kucovë, Këlcyrë).
Pas fundjavës parashikohet një rënie graduale e temperaturave, e cila vijon për 5 – 6 ditë ndërsa sërisht ditët e fundit të gushtit sjellin një rritje të lehtë të vlerave termike.
