Dita sot ka nisur me reshje të shumta të shiut dhe dëborës në të gjithë vendin. Situatë e vështirë është regjistruar në akset kryesore të vendit, ku dëbora ka penguar qarkullimin e automjeteve.
Autoriteti Rrugor Shqiptar i ka bërë thirrje drejtuesve të automjeteve të udhëtojnë me kujdes dhe të vendosin zinxhirët. Në Dibër rruga e fshatit Qafë Murr është bllokuar për shkak të rënies së masave shkëmbore, duke izoluar kështu rreth 1 mijë banorë.
Parashikohet që orët e pasdites të sjellin përmirësim të dukshëm të kushteve atmosferike në të gjithë territorin e vendit. Era do fryjë mesatarisht me shpejtësi 13 km/h nga drejtimi verior dhe veriperëndimor duke krijuar në brigjet detare dallgëzim mbi 3 ballë.
