Ledri dhe Sara Hoxha janë padyshim një prej çifteve më të dashur për publikun shqiptar. Ata po e shijojnë në maksimum periudhën e bukur pas ardhjes në jetë të së bijës, Poem Blu.
Dyshja janë mjaft aktivë në rrjetet sociale ku ndajnë me ndjekësit momente me bebushen e tyre.
Poem Blu i ka zbukuruar jetën, ndaj Sara është më shumë se e bindur se fëmijën e saj të dytë e do sërish vajzë. Ajo ka dëshirë ta bëjë Poemin me një motër, megjithatë kjo është në dorën e tjetërkujt.
E pyetur në InstaStory nga ndjekësit nëse fëmijën tjetër e dëshiron vajzë apo djalë, Sara u përgjigj pa pikë hezitimi: “Vajzë”
Epo s’thonë kot, kush ka vajza botën ka!
Më herët, Sara ka treguar për ndjekësit e saj se ka pasur momente “down” pas lindjes, megjithatë gjithçka ka kaluar me kohën.
“Shumë, por e di që thonë se çdo gjë kalon dhe harrohet? Shumë e vërtetë!”, i përgjigjet Sara, duke i dhënë kështu një këshillë të gjitha nënave të reja ose vajzave që presin të bëhen shumë shpejt nëna.
Poem është kthyer në bebushin më të dashur e më të komentuar në Instagram, që ka “rrëmbyer” fansat e mamit dhe babit dhe e ka të gjithë vëmendjen për vete.
