I gjithë opinion publik, u shtang nga ndjenja e lumturisë e shprehur nga Psikologia Genta Kaloçi, për ndarjen nga jeta të djalit të vetëm të shkrimtares Flutura Açka. Në një postim në profilin e saj në Facebook, Kaloçi komentoi vdekjen e 18-vjeçarit, si një drejtësi nga Zoti për bindjet antikomuniste të shprehura herë pas here nga nëna e tij.
“Asgjë nuk është rastësi. Mendojeni këtë variant kaq të thjeshtë, se kuptimi i së drejtës dhe jetës fshihet në këto raste e detaje kaq të thjeshta. Gjithçka shpaguhet në jetë, sidomos mosmirnjohja dhe padrejtësia kur i jep gojës para mëndjes” – shkruan psikologia.
Ditën e sotme, kanë reaguar familjarë të shkrimtares Flutura Açka. Redja Rama, vajza e tezes së Açkës ka nisur një mesazh në faqen e Olti Currit në Facebook, ku i kërkon Kaloçit të qëndrojë larg dhimbjes së tyre, të mos merret me një nënë që ka dy ditë e dy netë që nuk ha e nuk pi.
“Kjo monster e ndyrë që nuk e kuptoj si ka mundësi merr frymë akoma, kjo femër që femër nuk është, kjo kafshë që as me kafshën nuk mund ta konsiderosh, ti shushunjëzë që spo di çfarë po bën.. Lumturohesh me një humbje të tillë sepse në jetën tënde nuk ke njohur dot aftësinë për të qënë nënë, grua apo femër me dinjitet. E di çfarë je ti një jashtëqitje e nënës që të polli, që nuk diti çfarë mbajti në bark, një kopile koperative e Enver Hoxhës që linden në ferrat e lulishtes të Beratit. Qëndro larg kësaj dhembje, të leverdis për të mirën tënde. Shumë shpejt do të arrijmë tek ti moj kellushe ferrash. Zoti të ardhtë pas qafe, po mos u mërzit se nëse Zoti sdo të vij pas qafe, në rrënzë të veshit e ke” shkruhej në statusin e Redja Rama.
