Alaudin Hamiti është një nga moderatorët dhe figurat më të njohura të televizionit në Kosovë. Ditën e sotme ai feston ditëlindjen dhe ndonëse nuk të jep asnjë përshtypje për moshën që ka, bën 40 vjeç.
Miq e familjarë, shumë figura publike, i kanë thurur moderatorit fjalët më të bukura në rrjetet sociale. Këtë ditë të veçantë Alaudini ka zgjedhur ta kalojë në Egjipt prej nga ku ka ndarë edhe foto e video me ndjekësit.
Mosha është thjesht një numër dhe kjo merr shumë kuptim ditën e sotme nga moderatori.
Alaudini ka kontribuar në fushën e kulturës, argëtimit, programeve për artin dhe kritikën, jetën shoqërore për rininë dhe problemet e saj në Kosovë, ku që nga viti 2002 ai është i angazhuar në televizion.
Aktualisht, ai realizon një nga emisionet më të bukur dhe të suksesshëm në vend, “N.I.N”-in, në “Klan Kosova”.
Kujtojmë se Alaudini është i martuar me Yllkën, me të cilen ka tre fëmijë, dy djemë dhe një vajzë.
