Lëndimit të dashurisë nuk i shpëton asnjë! Dhe Bella Hadid po kalon sërish momente të vështira vetëm një vit pas ndarjes.
Ndërkohë që karriera e saj po shkon shumë mirë, është një ndër modelet më të kërkuara dhe më të paguara të momentit, në dashuri duket se nuk i ecën.
Në momentin që ishte qetësuar shpirtërisht dhe kishte harruar The Weeknd, ky i fundit po përpiqet të rikthehet sërish në krahët e saj, duke ia trazuar ndjenjat.
Një burim për “Hollywood Life” shprehet se, The Weeknd në fund të sfilatës së “Victoria’s Secret”, i ka dhuruar asaj një buqetë të madhe me lule dhe me një shënim të ëmbël.
“The Weeknd, në fund të sfilatës i dërgoi Bella-s një buqetë të madhe me lule së bashku me një shënim ku i shkruante se sa e mrekullueshme ishte dhe se sa krenar është për të“, shprehet burimi.
E gjitha kjo ndodhi një ditë para se këngëtari të shfaqej në një takim me Katy Perry-n.
Ne shpresojmë që ajo të mos bjerë pre e sjelljes së tij si xhentëlmen.
