Ledjana dhe Eri patën një javë më parë një takim, në të cilin u dukën shumë të afërt me njëri-tjetrin. Kimia mes tyre ishte shumë e dukshme, madje nuk munguan as momentet romantike. Eri i dhuroi Ledjanës një arush, dhuratë e cila pasoi me një përqafim mes çiftit. Për më tepër, Eri e mbajti në krahë për ta lëvizur nga një vend në tjetrin, duke qenë se ajo kishte lënduar këmbën në palestër.
View this post on Instagram
Duket se ky takim mes tyre nuk do të mbetët me kaq, sepse Eri ka shprehur publikisht pëlqimin për Ledjanën. Së fundmi ai ka zhvilluar një bisedë me ndjekësit e tij në Instagram dhe nuk ka ngurruar të tregojë se Ledjana është vajza që e tërheq më shumë.
“Cila nga vajzat në emision të tërheq më shumë fizikisht?”, e ka pyetur Erin.
“Fizikisht dihet kallupi”, është shprehur ai, duke nënkuptuar Ledjanën.
“Cila nga vajza është më e bukura nga vajzat në Për’puthen”, e ka pyetur dikush tjetër. Dhe Eri është përgjigjur shkurt, duke etiketuar në postim Ledjanën. Nuk mund të themi me bindje se mes Ledjanës dhe Erit po lind diçka, por e sigurt është që ky i fundit ka një pëlqim shumë të madh për konkurrenten.
Këto kohë Ledjana ka qenë në qendër të vëmendjes mediatike, pasi është përfolur se ajo është e martuar jashtë programit dhe se partneri i saj ndodhet në burg. Vajza nga Rrësheni u përball mbrëmjen e djeshme në “Për’puthen Prime” me këto akuza dhe i mohoi të gjitha. Ajo deklaroi se nuk kishte asnjë marrëdhënie të lënë pezull jashtë dhe u shpreh se vazhdon të jetë beqare. Madje, në letra ajo figuronte ende si pjesëtare e familjes së saj në Rrëshen.
