Beniada Nishani është një ndër personazhet më të bujshëm të këtij edicioni të “Big Brother VIP Albania”.
Vajza bukuroshe shqiptare që la Italinë për të marrë pjesë në një reality-show në vendin e saj, i tregoi të gjithëve sa e thjeshtë dhe pa komplekse ishte, duke i rrëmbyer zemrat publikut shqiptar.
Me thjeshtësinë dhe ëmbëlsinë e saj, shqipen e folur me gabime por lezetshëm, bujarinë dhe maturinë e saj, ajo arriti deri në natën finale të spektaklit, së bashku me Einxhelin, Donaldin dhe Ilir Shaqirin.
Edhe pas përfundimit të realityshow-t, Beniada vazhdon të jetë një prej personazheve më të komentuar e më të ndjekur në rrjete sociale.
Së fundmi, ajo ishte e pranishme në eventin e “Festivalit të Filmit në Venecia”, ku shkëlqeu nga koka tek këmbët.
View this post on Instagram
View this post on Instagram
Pasi kaloi në tapetin e kur dhe mori komplimente të shumta, ajo i tregoi ndjekësve në Instagram se në fakt kishte marrë pjesë edhe në një “spektakël” tjetër në Itali, kur ishte e vogël.
“Nga Festivali i Venezia-s te festivali në San Giovanni Rotondo.
Mami Linda ma tregoi këtë foto që kam kënduar dhe kërcyer në festivalin e shkollës. Nuk e di se çfarë kënge këndoja sepse “Parfumi ime” nuk kishte dalë akoma. Kaq kisha. Shihemi së shpejti me një këngë”- shkruan ajo.
Pikërisht fjalia e fundit na tërhoqi vëmendjen. Beniada mund të jetë thjesht duke bërë shaka, ose fare mirë i ka shkuar në mendje t’i futet muzikës, duke qenë se është gjëja që bëhet më lehtë në Shqipëri.
