Është koha për koleksionin e ri të “Swatch”, i cili sjell për meshkuj dhe femra , bazat e elegancës në orët klasike për periudhën vjeshtë/dimër 2017.
Koleksioni i ri i orëve “Swatch” që do të mbërrijë në shtator në dyqanin e “Swatch”, në Qendrën Metropol në rrugën “Sami Frashëri” dhe në Qendrën TEG, është gati t’ju ofrojë aksesorët më unikë dhe elegantë të këtij sezoni.
“Time to Swatch” është për ata njerëz, që i kushtojnë rëndësi dizajnit dhe që janë të lirë për të shijuar momentin.
Orët janë dizajnuar me linja të pastra, të arkitekturës bashkëkohore dhe ngjyrat e mprehta dhe të ndezura , që ndërthuren me teknologjinë e sotme. Stile të ndryshme nga ai vintazh deri te stili avangard, sjellin orë që reflektojnë mënyrën e të menduarit të secilit prej nesh.
Eleganca e koleksionit të ri vjen me orët njëngjyrëshe “Swatch”, duke sjellë te ju aksesorë unikë, ku gjithkush mund të gjejë personalitetin dhe stilin e tij.
Për meshkujt “Swatch” ka menduar ngjyrat e tyre të preferuara, si e zeza apo ngjyra e ullirit.
Modeli bazik i orës, në ngjyrën e ullirit përmban një fushë të bardhë me një rrip prej silikoni mat.
Të kundërtat i tërheqin femrat, ndaj “Swatch” sjell orën e re bardhezi, e cila tregon kombinimin e guximshëm të ngjyrës së zezë mat, me printime të bardha. Fusha e zezë e orës i bashkëngjitet një rripi bardhezi silikoni, perfekt për të shfaqur stilin tuaj praktik dhe sportiv.
Ngjyra e bardhë bëhet akoma më e preferuar, me orën bazike të bardhë dhe rozë, që ndërthuret me ngjyrën e argjendit. Ndriçimi dhe eleganca përcillet nëpërmjet një rripi silikoni të bardhë mat, që është perfekte për t’i dhënë ngjyra, ditëve gri apo veshjeve të errëta të vjeshtës dhe dimrit.
