Nëse e keni vënë re ndonjëherë se, ëndrrat tuaja duken të çuditshme gjatë periudhës së menstruacioneve, mos u shqetësoni nuk jeni të vetme. Për më tepër ka edhe një shpjegim shkencor për këtë.
Sipas Dr. Irshaad Ebrahim të “Qendrës së Gjumit” në Londër, njerëzit kanë tendencën të kenë më shumë shqetësime në gjumë, kur janë me perioda dhe nëse ndodh që të zgjoheni gjatë ciklit të lëvizjeve të shpejta të syve (REM), mund t’ju duken ëndrrat sikur i keni përjetuar. REM ndodh gjatë 90 minutave të para, kur sapo ju zë gjumi dhe disa herë gjatë gjithë natës. Është faza e gjumit gjatë të cilës shikoni më shumë ëndrra.
Gjithashtu, Dr. Christiane Northrup shprehet se, gjumi juaj mund të jetë më “i çrregullt”, për shkak të rritjes së hormoneve. Ajo shtoi se ëndrrat gjatë kësaj kohe, “kanë tendencën të pasqyrojnë atë që po ndodh në atë cikël të veçantë”, duke vënë theksin se disa persona i kanë shprehur që, kanë parë imazhe të baltës apo banjove në ëndrrat e tyre.
Sigurisht, përjetimet nuk janë të njëjta. Disa mund të kenë dhimbje, ndërsa disa femrave mund t’u shpërthejnë akne apo të kenë epshe.
Thelbi i gjithë kësaj: Janë gjëra normale dhe nuk ka asnjë arsye që të ndiheni e turpëruar nga efektet anësore.
