Babai i këngëtares Morena Taraku duket se ka pasur disa komplikacione me shëndetin dhe ka përfunduar në spital.
Siç Morena ka treguar gjithmonë, ai është pika e saj e dobët dhe sigurisht që s’mund të mungonte pranë të atit në këto ditë të vështira.
Në rrjete sociale, këngëtarja ka ndarë videon prekëse nga dhoma e spitalit, teksa kujdeset për të atin dhe mundohet t’i tregojë të gjithë dashurinë dhe vlerësimin e saj për të.
Krahas videos, Morena tregon fjalët e të atit dikur, i cili e kishte këshilluar të mos dorëzohej kurrë.
“Babi, njëherë kukulla ime ishte prishur. Ti e rregullove dhe më the ‘Mos u dorëzo kurrë’. Unë vazhdoj të ndjek këshillën tënde. E di që ti s’do të dorëzohesh kurrë.
Babait më të mirë ndonjëherë! E di që s’mund të kujdesem për ty siç ti u kujdese për mua, por të dua aq sa ti më do”- shkruan Morena krahas videos ku shfaqet duke ushqyer të atin.
Ajo nuk ka treguar për ndjekësit nga se vuan babai i saj, megjithatë i urojmë shërim sa më të shpejtë!
