Të pasionuarit pas orëve kaluan dje mbrëmjen më fantastike, argëtuese dhe moderne. Eventi i organizuar nga dyqani “Swatch” në Qendrën Metropol në rrugën “Sami Frashëri”, mblodhi të famshëm nga bota e televizionit, politikës dhe modës, por edhe adhurues të orëve të prodhimit zviceran, që ndjekin gjithmonë trendin e fundit të aksesorëve.
Festa nisi që në orët e para të ditës, ndërsa “Swatch” i mirëpriti të ftuarit me pije, koktej dhe muzikë në sfond, për t’i prezantuar me koleksionin më të fundit të orëve “Skin Irony”, të cilat janë përshtatur për elegancë absolute të së përditshmes.
Por mbi të gjitha ky koleksion është HISTORIK! E dini pse? Sepse për herë të parë “Swatch” ka dizajnuar orën më të hollë ndonjëherë metalike, vetëm 5.8 milimetër.
Pjesën më të madhe të orëve që kaluan në festë, të ftuarit soditën me dëshirë këndin e orëve në dyqan, për të zgjedhur të preferuarën e tyre dhe për të dalë nga qendra me një dhuratë të bukur.
Sigurisht që dhurata që i bën vetes të pëlqen më shumë, ndaj “Swatch” u kujdes që të ftuarit të gjenin orën unike që jo vetëm ju pëlqente, por dhe u shkonte me stilin.
Por kush ishin miqtë e “Swatch”, që morën pjesë në këtë event?! Si zgjodhën të vishen? Më poshtë do të shihni disa nga të pranishmit:
Fiori Dardha
Eraldo Rexho
Eva Murati
Dorina Mema dhe Roza Lati
