Tiranës do t’i shtohet së fundmi tregu ditor që ka për qëllim të lëvizë çdo ditë në lagje të ndryshme të kryeqytetit.
Kjo praktikë është mjaft e njohur në vende të tjera, si në Athinë për shembull, ku çdo ditë të javës tregu lëviz nëpër lagjet e kryeqytetit.
Nisma sipas Bashkisë së Tiranës, synon të promovojë produktet lokale të fermerëve në zona të ndryshme të qytetit me qëllim për të qenë më pranë komunitetit dhe për të sjellë produkte të freskëta organike pranë qytetarëve.
Dje tregu i lëvizshëm ishte pranë ish-Fushës së Aviacionit në Njësinë nr.7. Ndërkohë sot tregtarët kanë tjetër destinacion.
Ky projekt me rëndësi është ndërmarrë nga Drejtoria e Zhvillimit Ekonomik Urban në Bashkinë e Tiranës.
