Prej dy ditësh është përhapur një mesazh që, po bëhet viral me shpejtësi nga “Facebook”. Një mashtrim që ka prekur disa përdorues, të këtij rrjeti social ka vënë në lëvizje “Facebook” për të lajmëruar atë që po ndodh në botën virtuale.
Një lloj hakeri që mban emrin Jayden K Smith ka hyrë në llogarinë personale të shumë personave për të marrë çdo informacion, të mundshëm nga profilet e tyre, duke bllokuar kështu të dhënat personale. Jayden K Smith ju dërgon ftesë për t’u bërë miq, por në të vërtetë është një haker.
Në një paralajmërim, rrjeti social tërheq vëmendjen, se hakeri e ka të lidhur sistemin me llogarinë që më pas e përdor, për qëllimet personale. Mesazhi i sqaron të gjithë përdoruesit, që të mos pranojnë ftesën nga kjo llogari, pasi nuk mund të kthehet pas, edhe nëse fshihet brenda disa minutash.
“Ju lutem informoni të gjithë kontaktet në listën në Messenger, që të mos pranojnë ftesën nga Jayden K Smith. Ai është një haker dhe sistemi i tij do të lidhet me llogarinë tuaj të “Facebook”. Nëse një nga kontaktet tuaja do ta pranojnë, ju do jeni pjesë e mashtrimit, prandaj sigurohuni që miqtë tuaj ta dinë këtë”, shkruhet në mesazhin që po bëhet viral në rrjetet sociale.
