Të paktën një herë në javë, duhet t’i dedikoheni kujdesit për lëkurën! Dhe kjo nuk kërkon shumë shpenzime, pasi vetëm me produktet që kemi në shportën e ushqimeve, mund të bëjmë çudinë. Më poshtë, ju prezantojmë me tre maska, që mund t’i përgatisni në shtëpi dhe me siguri do të na falenderoni më vonë.
Kos – për fytyrën e ndjeshme
1 lugë kos
1 lug mjalt
1 lugë kakao pluhur
Kosi është zgjidhja perfekte për fytyrën nëse lëkura juaj është e ndjeshme dhe skuqet shpesh. Ndërsa kakao qetëson irritimin e fytyrës, mjalti zbut lëkurën.
Kastraveci – për lëkurën e ashpër
½ e një kastraveci të grirë në rende
¼ e filxhanit të qumështit
1 lugë mjalt
1 lugë sheqer kaf
Kjo maskë ju bën të ndiheni sikur ndodheni në spa dhe jo në kuzhinën e shtëpisë. Maska zbut lehtë fytyrën dhe do të jetë shumë e butë, vetëm pas një përdorimi.
Limoni – për fytyrën e lodhur
Lëngu i një limoni
2 lugë sheqer
1 lugë vaj ulliri
Sheqeri dhe limoni punojnë shumë mirë së bashku, duke luftuar qelizat e vdekura të fytyrës ndërkohë që vaji i ullirit hidraton fytyrën duke e lënë lëkurën të butë dhe shumë të freskët!
