Këngëtarja Adelina Tahiri u bë nënë për të parën herë me 27 gusht, kur ne jetë erdhi vogëlushi Jon. Këngëtarja ka zgjedhur të shfaqet shumë e hapur me ndjekësit në rrjetet sociale, ndaj përveçse tregon portretin e plotë të djalit, ajo ndan edhe të tjera detaje në lidhje me të.
Ditën e sotme, ndërsa ishte rrugës për të festuar ditëlindjen e të shoqit Serjoza Markov në Vienë, këngëtarja iu përgjigj pyetjeve të fansave në “Instagram” në lidhje me mëmësinë. Pas pyetjeve të shumta se me çfarë ushqehet djali, ndërsa ajo është gjithë kohën duke shëtitur, këngëtarja tregoi se me ushqimin që ble në farmaci.
“Do kisha shumë dëshirë ta kisha ushqyer me gji, por nuk është më e mundur. Pas lindjes, humba shumë kilogramë dhe nuk kisha më qumësht” –tregoi Adelina Tahiri.
Sakaq, Tahiri është shprehur më herët se mezi pret të bëhet nënë sërish dhe t’i japë Jonit një motër, ose një vëlla.
