Disa e mbështesin, të tjerë jo, por ofendimet për atë që Klaudia Pepa e quajti ish-bashkëshortin “vëlla”, po e kalojnë masën dhe kjo gjë nuk i pëlqen as Klaudias dhe as nënës së saj, Lumes.
Komentet tashmë kanë kaluar në ofendime dhe fyerje, aq sa ndjekësit po harrojnë të merren me punët e tyre.
“… Na mërzitet me këtë shprehje. Vllai, vllai… mjaft !! Çdo njeri e di vetë si flet edhe nëse ka gabuar i jep llogari vetë atij qe ja ka thënë. Albi u kënaq ju sëkëlldiseni”, ka mbyllur përgjigjen ndaj një komentueseje e ëma e Klaudias, por këtë herë ka reaguar edhe vetë balerina.
Klaudia i është përgjigjur komentueseve që ka kritikuar me fjalë fyese foton e saj.
“1. Mos OFENDO! 2. Mos kalo fare nga faqja ime! .3 Femër e ulët që nxjerr këto fjalë!”, ka shkruar Klaudia dhe mesazhi vlen për të gjithë të tjerët.
Çdo foto e balerinës shqiptare, e cila deri dje ishte krenari e atyre komentuesve, për arritjet jashtë kufijve të shtetit shqiptar, po shndërrohet në një shesh ofendimesh e fyerjesh, që të vjen keq t’i lexosh.
Gjithsesi, pavarësisht “gojëve të liga” siç i quan populli, veprat e sukseset e Klaudias flasin vetë dhe nuk i hedh asnjë njeri poshtë.
Burimi: Iconstyle.al
