Aktorja Olta Gixhari po shijon pritjen e ëmbël dhe duket se është në kulmin e lumturisë së saj.
Tashmë që është shtatzënë, ajo është më aktive se kurrë në rrjete sociale dhe veç pozave me barkun e rrumbullakosur, ka ndarë sot edhe një mesazh të rëndësishëm për të gjitha femrat.
Ajo i bën thirrje gjinisë femërore të mos turpërohet nga ndryshimet e trupit gjatë pritjes së ëmbël, pasi femrat janë të vetmet që mund të sjellin në jetë një mrekulli.
Krahas fotos me barkun e rrumbullakosur që bëri namin në rrjet, aktorja ka shkruar:
“Zoti ka bërë mrekulli me trupin e femrës, gjinjtë të fryrë nga qumështi, bark i rrumbullakosur si një vend special ku rrisim kryeveprën tonë. Shijojeni shtatzëninë, mos kini turp nga trupi juaj në këtë proces magjik. E ka fal Zoti femrën! Ju dua qenie të bukura që vetëm dashuri përcillni!”- është mesazhi i fuqishëm i Oltës në postim.
Ende nuk dihet në cilin muaj të pritjes së ëmbël është aktorja apo gjinia e bebushit.
Për më tepër, bukuroshja vazhdon ta mbajë të fshehtë portretin e partnerit, me të cilin po jeton që prej fillimit të karantinës në Spanjë.
