Kim Kardashian po shfrytëzon rastin për të dëgjuar dhe mësuar pas reagimit të ashpër se ajo humbi 7 kilogramë në tre javë për të veshur fustanin ikonik të Marilyn Monroe në “Met Gala”. Në postimin në story lexonte, “Ji i hapur. Nuk ke gjithmonë të drejtë”.
Mesazhi i Kim vjen disa ditë pasi ajo mori kritika për dietën që ndërmori për të arritur pamjen e saj në Met Gala. Megjithatë kjo metodë e yllit të Kardashians për humbjen e peshës u prit me kritika nga disa njerëz, duke përfshirë aktoren e “Riverdale”, Lili Reinhart, e cila tha se të pranosh hapur se ke ngordhur veten për hir të “Met Gala” kur e di shumë mirë se miliona të rinj dhe të reja po të shikojnë dhe të dëgjojnë çdo fjalë tënde është shumë gabim dhe injorancë.
Megjithatë, trajneri personal i Kim këmbënguli që ajo e ka humbur peshën në mënyrë të shëndetshme.
“Mendoj se një nga keqkuptimet që njerëzit kanë për Kim-in është se ajo punon me të vërtetë shumë, kështu që unë isha aty gjatë gjithë procesit. Dua të them, ajo ka mbajtur një dietë të ekuilibruar dhe nuk është dobësuar nga mungesa e ushqimit por dhe ushtrimet fizike. Nganjëherë, ajo nuk hante aq shumë, por gjëja e dytë është se ajo e bëri me të vërtetë punën”.
