Ai njihet si një ndër fotografët më të veçantë shqiptarë dhe të tilla janë edhe fotografitë që realizon.
Së fundi, Sonny K. Elson ka realizuar një foto mjaft sensuale me një vajzë që qëndron nudo në sfond.
Në foton bardhezi, Sonny shihet në studion e tij, i fokusuar në objektivin e aparatit, ndërkohë që pas tij qëndron një vajzë me linja shumë seksi që ka pozuar me kurriz.
Sigurisht komentet janë të fokusuara të fiziku i vajzës por edhe të fakti që vajza nuk e ka pasur problem të dalë nudo dhe të shihet nga sytë e mijëra ndjekësve të fotografit.
Në foton e publikuar ka edhe komente të tipit: “Kush do ta marrë atë për grua”, ndaj edhe reagimi i fotografit për këtë këndvështrim nuk ka munguar.
“Të gjitha ato që janë zhveshur kanë gjetur burrë me sa di, se shoh portalet. S’kanë ngelur me beqare”, i përgjigjet Sonny komentuesit.
I kontaktuar nga “Iconstyle.al”, fotografi pranoi se ideja e fotos erdhi nga vetë vajza, pasi “nuk janë në stilin e tij fotot nudo”. Sonny shprehet se njerëzit paragjykojnë vetëm nga një foto, kur në fakt ka shumë femra që bëjnë gjëra që s’duhen edhe kur janë veshur:
“Në fakt njerëzit ngatërrojnë nudizmin me pornografinë duke harruar që ka më shumë persona të veshur që bëjnë gjëra që s’duhen, sesa ato që pozojnë përballë aparatit të një fotografi”. Njerëzit komentojnë pa pasur idenë çfarë bëhet në foto dhe duke paragjykuar. Ajo qe me akuzojnë shpesh është që u hap sytë njerëzve me realitetin e përditshëm jo me romane lumturie”.
Si përfundim, Sonny jep një mesazh për të gjitha ata njerëz që i paragjykojnë femrat që pozojnë nudo:
“Mos kini frikë nga femrat që pozojnë nudo por nga ato femrat që “zhvishen” edhe kur janë me rroba.
Burimi: Iconstyle.al
