Mesa duket gjërat nuk janë në rregull mes Katy Perry dhe Orlando Bloom pasi fansat janë të bindur se dyshja janë ndarë. Gjithçka nisi pasi këngëtarja nuk është parë me unazën e fejesës.
Në “Met Gala 2022” e cila u mbajt më 2 maj, bukuroshja brune kishte veshur një fustan të mrekullueshëm dhe një unazë por nuk ishte unaza e saj e fejesës me rubin.
Më pas, ndërsa shfaqej në American Idol së bashku me Lionel Richie dhe Luke Bryan, fansat vunë re se nuk kishte asnjë unazë në gishtat e saj.
Katy gjithashtu nuk ka postuar aq shpesh me burrin e saj kohët e fundit.
Yjet e Hollivudit kishin lidhje nga janari 2016 deri në mars 2017, por më vonë ata u ndanë. Në shkurt 2018, ata u bashkuan përsëri dhe Bloom i propozoi Perry-t në shkurt të 2019 në ditën e Shën Valentinit.
Që atëherë, dukej sikur dyshja që kanë një vajzë së bashku, Daisy Dove, kanë qenë më të mirë se kurrë.
Katy ka shprehur disa herë vështirësitë që ka patur të pranojë dashurinë në një marrëdhënie- “Gjithmonë ndihesha sikur po ecja me pak dhimbje në zemër për dashurinë dhe i fejuari im ka bërë një punë të shkëlqyeshme duke ndihmuar me të vërtetë për ta rregulluar atë. Kisha dëgjuar për dashurinë e pakushtëzuar, por tani jam duke e përjetuar vërtet atë.”
