Janë disa pajisje të cilat i nevojiten çdo dhome që të duket e plotësuar dhe ka disa të tjera që tërheqin gabimisht vëmendjen. Rrëmuja vizuale më tepër i humb bukurinë shtëpisë, e mos të flasim për humbjen e aftësisë për të funksionuar. Këtu janë gjashtë gjëra të zakonshme në shtëpinë tuaj pa të cilat mund të jetoni pa problem.
Mbulesat e kapakut të tualetit dhe qilimi i tualetit
Askujt nuk i duhet një mbulesë-qilim për kapakun e tualetit e as qilimin e përshtatur me ngjyrën e bazës së tualetit. Së pari, këto elemente janë baza për shumimin e baktereve, së dyti nuk keni nevojë të tërhiqni vëmendjen në tualet duke e dekoruar atë.
Shumë piktura dhe korniza
Shumë piktura dhe korniza që nuk përshtaten, të varura në mur apo të vendosura në tavolinë, janë hutuese. Edhe pse dëshironi që çdo moment sentimental ta vendosni në kornizë, është mirë të përzgjidhni më të preferuarat dhe t’i vendosni në një renditje të bukur dhe në korniza adekuate.
Perde të vjetërsuara
Do ju duket e çuditshme se disa dhoma nuk kanë nevojë për perde, por është e vërtetë se mundeni edhe pa ato. Së pari, nëse jeni me fat mund të jetoni në shtëpi me dritare të bukura që nuk do të dëshironit t’i mbuloni me një copë tekstili. Së dyti, mund të jetoni në lagje rurale apo me pyje përreth ndaj nuk keni nevojë për privatësinë që ofrojnë perdet. Dhe së fundmi, disa përzgjedhje perdesh nuk janë më në trend.
Vazo për lulet
Vazot e lira të qelqit janë gjëja tjetër për të cilën shtëpia juaj nuk ka nevojë. Duhet të keni për qëllim 3-4 vazo të bukura për lulet e freskëta, të madhësive të ndryshme dhe aq do t’ju mjaftojnë. Ka një përjashtim nëse mund t’i përdorni këto vazo qelqi për ndonjë qëllim tjetër praktik në shtëpinë tuaj.
Lule artificiale
Disa bimë artificiale në fakt mund të duken mahnitëse, mirëpo nëse keni të tilla të përmasave të mëdha, keni një fabrikë pluhuri brenda në shtëpi.! Çdo dhomë ka nevojë për diçka të freskët ndaj mundohuni t’i përshtateni ambientit dhe nevojës.
Shumë gjërat të vogla
Aksesorët janë të mrekullueshme, madje një mjet i rëndësishëm që të personalizoni ambientin ku jetoni, mirëpo shumë prej tyre mund të bëjnë ambientin të pisët edhe pse e rregulloni vazhdimisht. Nuk keni nevojë që të reklamoni gjithçka në të njëjtën kohë, përzgjidhini gjërat më të dashura dhe më të mëdha e pastaj mund t`i zëvendësoni me kohë.
