Kanë mbetur vetëm 2 ditë kohë për vetëdeklarimin e dëmeve nga banorët që u prekën nga tërmeti shkatërrues i 26 nëntorit.
Për këtë qeveria vendosi 1 muaj afat dhe njerëzve të prekur u ka mbetur vetëm 2 ditë kohë për të aplikuar.
Të gjithë ata që patën dëme mund të bëjnë aplikimin online nëpërmjet aplikacionit “Shtëpia ime”, i cili është më i sigurt që të bëhet pranë Njësive Bashkiake.
Në Njësitë Bashkiake do të gjeni ndihmën që ju nevojitet për një aplikim të saktë dhe në këtë mënyrë e bëni më të lehtë marrjen e dëmshpërblimit.
Për aplikimin online mjafton vetëm një dokumet i shtëpisë dhe karta e identitetit të vetë personit të cilit i është dëmtuar banesa.
Ndërtimi i banesave individuale pritet të nisë më 10 Mars, ndërsa dëmshpërblim do të marrë çdo i dëmtuar sipas masës së dëmit të shkaktuar.
Kujtojmë se në Konferencën e Donatërove që u mbajt në Bruksel, për Shqipërinë u dhanë 1.15 miliardë euro dhe së shpejti pritet që me to të nisë rindërtimi.
