Studentët e universiteteve publike janë të vendosur për të vijuar protestën deri në plotësimin e 8 pikave kyçe që parashikojnë një mirëfunksionim të sistemit të arsimit dhe përgjysmimin e tarifave të studimit.
Ata këmbëngulin që protesta e tyre të mos marrë asnjë drejtim politik. Ndaj pasi dje përzunë nga protesta ish-zëvendësministrin e arsimit, Taulant Muka, sot u kanë bërë thirrje dy kryetarëve të partive opozitare që të mos i afrohen protestës.
Në rrjetet sociale, ku edhe zbulohet axhenda, ata kanë dhënë një mesazh për Bashën e Kryemadhin.
“Mos guxoni të afroheni në protestë”, shkruhet në një postim në rrjetet sociale.
Ndonëse kryeministri Rama vijon të bëjë thirrje për dialog, të rinjtë duken të vendosur se nuk pranojnë madje kanë paralajmëruar se do të ngujohen te Korpusi dhe do të mbajnë grevë urie.
